URBAN HACK Ингэж үзэх юмсан.........Хаха

3 залуу нэг барилгын гэрэлтүүлгийн системийг хакдаж гэрлээр тоглоом тоглосон байна. Дэлгэрэнгүйг доорх бичлэгнээс үзээрэй тэгээд та ойлгоно Сэтгэгдэлээ үпдээгээрэй ^^

Гишүүний хүсэлтээр...." аймшгийн өгүүллэг

Зохиолч: Алтанхундага "Гашуун байна" аймшгийн өгүүллэг

Аймшигийн зүйлд дургүй бол үзэхгүй байхыг зөвлөя....

Миний бодол....

Хүүхдүүд хүны юундан болоод ингэж нөхөрлөж эцэст нь зүгээр хаядаг юм бол? Хэрэггүй болонгуут эсвэл надаас илүү.Хэн нэгэн гарч ирэх тэр үед би хэн ч биш болно.Нэг бодох нээ сайн найзыгаа харамлаж чадаагүй би бураатай мэт.Хүйтэн өдөр хэсэнхэн хугацаанд мандсан нар шиг л.....зүрх сэтгэлийг минь өвтөгөн шаналуулж бас баярлуулж чаддаг тийм л хүчтэй зүйл .Миний найзууд чихэр харин би чихэрийн цаас эхэндээ чамин ганган харин цаг хугацаа өнгөрөх тусам хэн ч биш зүгэр л уусан алга болно.Нэг гарсан чихэрийн амтыг соилоход хэцүү харин цаасыг бол.....Нэг дууг сонхоор  нэгэл сонин мэдрэмж төрдөг тэр дууг сонсвол би хэн ч биш мэт зүгээр л ганцаардалын ертөнцөд хэсүүчлэх охин шиг санагддаг.Ийнгээд бодоод хэлхэд хүнийг зөв таньж нөхөрлөх хэрэгтэй. Тэхдээ найз гэдэг үнэхээр чухал зүйл шүү.Найзыгаа халамжлаж хайрлах хэрэгтэй.Харьцаа чинь нэгэл хөндий байвал сэргээх хэрэгтэй.Найз гэдэг хүнээ алдвал иргээд уилад ч нэмэргүй шүү.Хорвоо дэлхий ганцал олдох найз нараа харамлах хэрэгтэй.Хөндий хайрцааг сэргээхэд хэцүү тийм учраас найзын холбоогоо илүү хүчтэй байлгаарай..........

Гайхалтай хайрын тухай дэлхийн шилдэг 6 бүтээл

Хүн төрөлхтний хамгийн хосгүй мэдрэмж болох хайрын тухай өгүүлсэн сая сая урлагийн бүтээлүүд бий. Нүдэнд үзэгдэж, гарт баригддаггүй хэдий ч магад биднийг хамгийн их зовоож, давхар хамгийн их жаргаадаг түүнийг төгс илэрхийлэх боломжгүй юм. Гэвч төгсөд хамгийн ойртсон гайхалтай хайрын тухай бүтээлүүдээс шилдэг 10-ыг танилцуулж байна.

1. Касабланка "Бид хамтдаа байгаа цагт үргэлж л Парист байгаагаас өөрцгүй" гэсэн жүжигчин Хамфри Богарты үгийг романтик бүсгүйчүүд маань яахин мартах вэ? Холливудын алтан үеийн сор бүтээлүүдийн нэг Касабланкагийн Илсагийн дүрийг бүтээсэн жүжигчин Ингрид Бергмен бх цаг үеийн хамгийн сайхан эмэгтэйчүүдийн нэгд зүй ёсоор тооцогддог. Товчхон хэлэхэд энэ бол хос бүрийн заавал үзэх ёстой кино юм. Үзсэний дараа та хоёрын харилцаа хайр энхрийллийн шинэ шатанд очихыг хэн үгүйсгэх билээ?

2. Титаник. Сүйрлийн тухай өгүүлсэн хамгийн романтик бүтээл. Гэвч яагаад хамгийн гайхалтай хайрын түүх бүхэн ямар нэг золиосын тухай өгүүлдэг юм бол?

3. Густав Климт-“Үнсэлт” Та энэ зургийг хараад юу мэдэрч байна вэ? Энэ бол дэлхийн хамгийн үнэтэй уран зургуудын нэг, Густав Климтийг алдарт хүргэсэн гоц бүтээл юм. Хальтхан харвал зүгээр нэг хамтдаа хэвтэж буй залуу хос шиг харагдаж болох ч, сайн ажиглавал энэ зураг таны нүдний өмнө “амилах” болно. Шунал тачаал, энхрийлэл, хоёр биений тэмүүллийг хүчтэй гаргасан зураг учраас тэр. Төгсгөлгүй, нээлттэй орхигдсон дугуйнуудаар бүсгүйн биеийг, харин дөрвөлжин, тэгш өнцөгт дүрсүүдээр эрэгтэйн биеийг дүүргэсэн нь таны бодлоор ямар утга санааг илэрхийлж байна вэ?

4. “Хунт нуур” бүжгэн жүжиг. Бас л хайрттайгаа заавал үзэх ёстой бүтээлүүдийн нэг. Танд нэгэн таатай мэдээг дуулгахад 10 дугаар сарын 8-нд УДБЭТ-ийн 49 дэх улирал эхэлж, Цөмөөхэй, Жизель, Нойрсож буй гоо гүнж, мэдээж Хунт нуур гэх мэт сонгодог баллетууд ээлж дараалан тавигдах юм билээ. Гоо зүйн асар өндөр таашаалыг эдлэхээс гадна хайр сэтгэлийнхээ гал дөлийг сэргээж аваарай.

5. Ромео Жульетта хоёр. Дайсагналцсан гэр бүлийн нэр төрийн золиос болсон өсвөр насны залуухан хүү охин хоёр. Гэвч тэдний бие биен рүүгээ тэмүүлсэн сэтгэл нь хэн хүнээс илүү хүчтэй, бас зоримог. “Хайр гэдэг бол золихуй юм”. Хайр сэтгэлийнхээ төлөө өөрсдийн амийг золиослодог нь ялагдаж буй мэт харагддаг ч, магадгүй тэд хамгийн их ялсан нь. Ромео Жульетта хоёрынх шиг хайрыг энэ хорвоо ертөнц өөртөө шингээж чаддаггүй нь гашуун үнэн юм болов уу?

6. 8. “Beauty and the Beast” хүүхэлдэйн кино. Өнгөрсөн 25 жилд гарсан хамгийн романтик дэлгэцийн бүтээлүүдэд багтаж чадсан Диснейн шилдэгүүдийн нэг. Яагаад “Үнсгэлжин”, “Цасан гоо”, эсвэл “Нойрсож буй гоо гүнж”-ийг тэд сонгоогүй юм бол? Учир нь Белл бусад шиг царайлаг, сайхан ханхүүд дурлаагүй, харин тэр хэрцгий царайтай араатанг чин сэтгэлээсээ хайрлаж чадсан юм.

Хайрын тухай онч үгс

© Зүрхэндээ нов ногоохон мод ургуул.Хэзээ нэг өдөр дуут шувуу ирж сууг /Хятад үг/
© Салхи галанд яаж нөлөөлдөг шиг салалт хайрнд тэгэж нөлөөлдөг.Өчүүхэн хайрыг унтрааж хүчтэй хайрыг улам бадраадаг.Bussy

© Галыг шатаадагт,дэлхий нарыг тойрч эргэдэгт,үнэнд худал байдаг гэдэгт эргэлз.Харин миний хайранд бүү эргэлз.Shakespeare

© Ядуурал хаалган дээр ирэхэд хайр цонхоор нисэн оддог.Oscar Wilde

© Хорвоод хүн нэг л удаа төрдөг юм

Хосгүй амрагаа гэж нэг л хүнийг шилдэг

Сайн сайхан гэр бүл гэдэг 2 зүрх нэг тэмүүлэлтэй байхыг хэлнэ. Лэв Толстой

© Амьдралын хүнд хэцүүг ганц л үг мартуулж чаддаг. Энэ бол хайр.Sophocles

© Заримдаа амнаас гараагүй үгийг нүдний харц гүйцээж өгдөг. Ahmet Hamdi Tanpinar

© Хайрыг ухаанаар дийлнэ гэдэг боломжгүй. Z.Gancarov

© Хайр эмэгтэйчүүдийн хувьд хайртаас нь өөр эр хүн гэж үгүй.Rousseau

© Хайраас үлдсэн шархыг өөр нэгэн хайр л эдгээж чадна.Cenab Sahabeddin

© Хайрын хүчээр хүмүүс яруу найрагч болдог.Plato

© Хайр бол мөрөөдөл, хурим бол бодит зүйл .Мөрөөдлөө бодит зүйлтэй хольсоны хохирол нь сэтгэл санааны уналт. Goethe

© Жинхэнэ хайр хэзээ ч амгалан байдаггүй. Sevigne

© Ичих санаа зовох гэсэн 2 араншин байгаа газар Хайр байдаг.Montaigne

© Зүрхээ нээсэн хүн болгонд уруулаа битгий нээ.Dickens

© Тэвчээргүй хайр гэж үгүй./Итали үг/

© Хайр,хүмүүс хоорондоо гүүр босгохыг хэлнэ.Хүмүүс гүүр босгохын оронд хана босгодог болохоороо ганцаардал дундаа үлддэг.Newton

© Хайр эрчүүдийг зөөллөж эмэгтэйчүүдийг хурцалж байдаг.Kestelli

© Хайраар тоглодог эмэгтэйчүүд хутгаар тоголж буй хүүхэдтэй адил. Ямагт өөрийгөө шархдуулж байдаг.Schopenhaur

© Хайрын хэл: Эхэндээ өдсөн үг дундаа жижиг бал бурам шиг үгс төгсгөлдөө эв хавгүй болхи үгс болдог.

© Эрчүүд эмэгтэйчүүдийн анхны хайр,эмэгтэйчүүд эрчүүдийн сүүлийн хайр болохыг хүсдэг.Oscar Wide

© Ухаан өөр газар очход нүд сохордог.Publius Cyrus

© Хайр эмэгтэй хүнийг итгэмээргүй хүчтэй болгодог. J.Kersey

© Хайр, эр хүний амьдралын нэг хэсэг бол эмэгтэй хүний бүхий л амьдрал.Byron

© Хайр амьдралын хамгийн баяр баясгалантай үе хамгийн гашуун мөчүүдийг өөртөө агуулдаг.Bailey

© Яруу найрагчид хайрын тухай хэтэрхий их ярьсан болохоор хүмүүс хайранд итгэхээ байчихсан Oscar Wilde

© Эмэгтэйчүүдийн зүрхэнд хүрэх зам түрийвчээр дайрч өнгөрдөг.Frank Dane

© Хайр байгаа газар ямар ч зүйл уйтгартай хэвийн байдаггүй. A.Smith

© Хайрласан хүн ухаанаа захирч чадах нь аз жаргалыг бий болгодог.Confucius

© Хайр яг гал шиг манахгүй бол цог болон унтарна. Geibel

© Хайрласан нүд сохорсон ч харанхуйд замаа олдог. Anonim

© Хайр жаргалын хаалгыг онгойлгогч хамгийн чухал түлхүүр юм. Oliver Holmes

© Зүрхэнд чинь үргэлж хайр байг. Хайрлуулж хайрлаж байгаагаа мэдрэх тэр дулаахан, баялаг сэтгэлийг өөр юу ч чамд өгөхгүй.Oscar Wilde

© Шалгуур тавьсан хайр хайр биш. Shakespeare

© Хайр далай гэж бодвол эмэгтэйчүүд далайн хөвөө байдаг.Victor Hugo

© Өнгөрсөн хайрынхаа хажууд дурсамжаа бас орхих хэрэгтэй.

Хайрын тухай цоо шинэ фактууд

Хэн нэгнийг хайрлахад тархины төв хэсэгт маш таашаалтай байдал бий болж, мэдрэлийн системийг эрүүл байлгах гол хүчин зүйл болох допамин гэх дааврын хэмжээ ихэсдэг байна. Допамины хэмжээ ихэссэнээр бидний тархи аз жаргалаар бялхаж, улмаар бид хайранд “донтож”, тэр нэгэн хүн рүү өөрийн эрхгүй сэтгэл татагддаг аж. “Keeping the Love you find” номын зохиогч, сэтгэл судлаач Harville Hendrix хайрыг “Бие болон сэтгэлийн энэхүү реакц нь санаандгүй буюу болзолт бус таталцал бөгөөд эцэг эх, байгалиас заяагаагүй дутуу зүйлээ бид өөр хэн нэгнээс олж хараад түүнийгээ нөхөхийн тулд нөгөө хүн рүү татагдаж байгаа хэлбэр” гэж тодорхойлжээ. Тэгэхээр дутуугаа нөхөхийн тулд бид хэн нэгнийг хайрладаг байх нь. Хайрын тухай таны мэдвэл зохих зарим баримтуудыг дэлгэе.

Хайрлахад удамшил нөлөөлнө

“Psychological Science” сэтгүүлд нийтлэгдсэн нэгэн шинэ судалгааны үр дүн удамшил, хайрлаж дурлах хоёрын хоорондын холбоо хамаарлыг тайлбарлажээ. Бид хэн нэгнийг сонгож хайрладаг. Өч төчнөөн эмэгтэйчүүд, эрэгтэйчүүд эргэн тойронд байж л байхад бид нэг л хүнийг бодоод, түүнтэй л уулзахыг хүсч тэмүүлж байдаг нь хачирхалтай. Энэ нь зүгээр ч нэг санаандгүй үйлдэл биш гэнэ. Хэнийг хайрлах вэ гэдэг нь удамшилтай шууд холбоотой аж. Уг судалгааны үр дүнд судлаачид “Хүн өөртэйгээ ижил төстэй удамшлын генотиптэй хүмүүсийг биш харин огт өөр генотиптэй хүн рүү татагддаг” гэдгийг нотолжээ.

Халуухан тэврэлт бидэнд байнга л хэрэгтэй

North Carolina-гийн их сургуулийн эрдэмтэд тэврэлдэх нь цусны даралтыг эрс бууруулж, дур тавилтын гол түлхүүр болох окситокин гэх дааврын ялгаралтыг идэвхжүүлдэг гэдгийг олж тогтоожээ. Судлаачид хосуудыг бие биетэйгээ ойртож суугаад, арван минутын турш хоорондоо ярилцаж, халуун дулаанаар бие биенээ тэврэхийг хүссэн байна. Ингээд тэднээс эерэг өөрчлөлтүүдийг олж харжээ. Хосуудын цусны даралт буурсны дээр окситокиний хэмжээ мэдэгдэхүйц нэмэгдсэн байсан аж. Гэхдээ нэг удаагийн тэврэлтийн энэ өөрчлөлт бага хэмжээнийх байлаа. Харин судлаачид өдөр тутам хоорондоо халуун дулаанаар тэврэлдэж байх нь сексийн амьдралд төдийгүй эрүүл мэндэд ч сайн нөлөөтэй гэдгийг сануулж байна.

Долоо хоногт хоёр удаа - хамгийн СОНГОДОГ тоо

2004 онд Wilkes-ийн их сургуулийн сэтгэл судлалын тэнхимийн профессор Carl J.Charnetski 112 хосыг цуглуулан тэдний дархлааны функцийг хэмжиж үзжээ. Тэдний дунд долоо хоногт 2 удаа тогтмол секс хийдэг хосуудын дархлааны функцийг хэмжихэд immunoglobulin A даавар илүү их хэмжээгээр ялгарсан байжээ. Тэдний дархлааны түвшин долоо хоногт нэг удаа болон огт секс хийдэггүй хүмүүсээс илүү байсан аж. Тэгвэл тоо нь олон болох тусмаа илүү их дархлаатай болох уу гэсэн асуулт гарч ирж байгаа биз? Магадгүй долоо хоногт долоон удаа секс хийгээд байвал гахайн ханиад гэдэг гайхлаас огт айх хэрэггүй ч юм билүү… Та ингэж бодож байна уу? Тэгвэл хариулт нь “үгүй”. Үүнийг судалсан сэтгэл судлаач Charnetski хүртэл өөрөө гайхсан үр дүнг харсан байна. Долоо хоногт гурваас дээш удаа секс хийсэн хүмүүсийн дархлалын систем нь 14 хоногт эсвэл сард нэг удаа секс хийдэг хүмүүсийн дархлалын системээс нэг их дээрдээд байх зүйлгүй байсан нь түүнийг гайхахад хүргэжээ. Тэгвэл хамгийн шилдэг тоо долоо хоногт хоёр удаа.
Сонин, гэхдээ л үнэн-Хэрвээ хүн эсрэг хүйстний үнэрэнд ихээр татагдах юм бол энэ нь тэд генийн хувьд маш өндөр зохицолтой гэсэн үг гэж “The Scent of Eros: Mysteries of Odour in Human Sexuality” номын зохиогч сэтгэл зүйч Kohl тайлбарлаж байна. Kohl эмэгтэйчүүд өөрсдийнхөө генотипоос огт өөр хүнийг хайдаг бөгөөд тийм генотиптэй хүний үнэр лүү хүчтэй татагддаг гэж үзжээ.
-Царайлаг эрчүүд шилдэг спермтэй. Сонин байгаа биз? “Evolution and Human Behaviour” сэтгүүлд бичсэнээр царайлаг, гадаад үзэмж сайтай эрчүүд хамгийн сайн спермтэй байдаг гэнэ. Судлаачид 1000 гаруй эрчүүдийн спермийг нарийн шинжлэн судалснаар хамгийн эрүүл, хөдөлгөөн сайтай спермтэй эрчүүдийн ихэнх нь эмэгтэйчүүдийн сэтгэлийг булаахуйц царайлаг залуучууд байсныг олж тогтоожээ.
-Ихэнх тохиолдолд дур булаам хоолойтой эмэгтэйчүүд хөөрхөн царайтай байдаг гэнэ. Nottingham-ийн их сургуулийн сэтгэл судлаач Sarah Collins 90 залуу эмэгтэйн дууг бичээд эрчүүдэд бичлэг сонсгожээ. Тэгээд дараа нь эрэгтэйчүүдэд тэдний фото зургийг харуулсан байна. Тэгэхэд эрчүүдийн таашааж байсан хоолойнууд хамгийн хөөрхөн царайтай эмэгтэйчүүд байжээ.

Хөгжим бол хайрын хэл

North Adams-ын коллежийн сэтгэл судлаачид “хөгжим бол хайрын хоол” гэсэн Шекспирийн алдарт үгний үнэнийг баталлаа. Эмэгтэйчүүдэд огт хөгжимгүй өрөөнд эрэгтэйчүүдийн зургийг үзүүлэхэд нэг их сэтгэл хөдлөлгүй хүлээж авч байсан бол намуухан soft rock хөгжмийн аянд тэд илүү олон эрэгтэйчүүдийн зургийг таашааж байлаа.

Анхны халуухан үнсэлт
Анхны үнсэлт хосуудын харилцаа цаашид үргэлжлэх эсэхийг шийддэг гэдгийг нэгэн шинэ судалгаа харуулж байна. Нэг үнсэлт л тухайн эзнийхээ талаар чухал мэдээллийг хангалттай хэмжээнд агуулж чадна гэж Нью-Йоркийн их сургуулийн сэтгэл судлаач George Gallup үзэж байна. Тэр 1041 оюутны үнсэлтийн хандлага дээр ажиглалт хийж, эрчүүдийн 59 хувь, эмэгтэйчүүдийн 66 хувь нь анхны үнсэлтийн дараа сонирхол буурдаг гэсэн дүнг гаргажээ.
Хайраа үргэлжлүүлэхийн тулд хамтдаа инээ
Судлаачид 52 хосуудаар өөрсдөд нь тохиолдож өнгөрсөн хөгжилтэй явдлуудаа дурсан яриулжээ. Ингээд ажиглалт хийхэд тэдний харилцаа улам дотносож байсан гэнэ. “Хүмүүс нэг зүйлийн тухай ярьж инээх нь тэд бие биенийхээ санаа бодлыг үнэлж байгаа хэрэг” гэж Appalachian их сургуулийн Doris Bazzini зөвлөж байна.

Гэрлэлт бол эрүүл мэндийн даатгал

Питтсбургийн их сургуулийн судлаачид амжилттай гэрлэсэн эмэгтэйчүүд гэр бүлгүй болон асуудалтай харилцаанд байдаг эмэгтэйчүүдтэй харьцуулахад зүрх судасны өвчлөлөөр өвдөх магадлал маш багатай байдгийг олж тогтоожээ. Гэрлэсэн хүмүүс илүү урт насалдаг, бас хорт хавдраар өвчлөх магадлал багатай байдаг. Мөн амжилттай гэрлэсэн хосууд согтууруулах ундаа болон тамхи хэтрүүлж хэрэглэх нь харьцангуй бага байдаг аж.

Хайрын шүлгүүд...

Чамайг харж нүд минь амардаг
Чинийхээ тухай сонсож чих минь амардаг
Чамд хүрж бие минь амардаг
Чамайг хайрлаж зүрх минь амардаг

2.Хайртай гэж олон хэлж чадахгүйч
Сэтгэлээсээ ганц хэлж чадна шүү!
Үргэлж дэргэд чинь хамт байж чадахгүйч
Зүүдэндээ үргэлж хамт юм шүү!

3.Нүдрүү чинь эгцэлж харж чадахгүйч
Нууцхан чамайг ширтдэг юм шүү
Дотно үг хэлж чадахгүйч
Сэтгэлдээ дандаа хэлдэг юм шүү!

4. Салхиар чамдаа захиа хүргүүлэе Уншаарай!
Саруул үдшээр болзоонд уръя Ирээрэй!
Салшгүй сэтгэлээ чамд өгье Хүлээгээрэй!
Сэм сэмхэн хайраа илчлэе Сонсоорой!

5.Оддын дундаас хайсан юм шиг
Оройтож чамайгаа олсонч
Мандан жаргах нарны хорвоод
Миний хайр наддаа итгээрэй!

6.Зүгээр л чамдаа туньх гэсийн
Зүггүйтэж чамайгаа уурлуулах гэсийн
Санаад би sms бичсийн
Сайхан чамайгаа алдхаас айсийн!

7.Эрхэлж нийлсэн уруулыг чинь Үнсий
Эрхэлж хэлсэн үгийг чинь Дурсий
Хайр шингэсэн хацрыг чинь Үнсий
Хамгаас илүү чамайгаа хайрлий !

8.Салхи аргадан чамдаа би очно
Саваагүйтэж очоод уруул дээр чинь үнсэнэ!
Сандрах хэрэггүй ээ хайрт минь
Санасан сэтгэлийн минь илрэл юм шүү!

9.Нулимсаа би шүлгэндээ шингээсэн
Нууцлаг сэтгэлийн минь үгс
Шүлгэнд минь л бий!
Шүлгээ сонсоод
Сэтгэл минь онгойчлоо
Шүүдэр мэт дуслах нулимсийг минь арчлаач!

Хайртай болсон ч хэлж чадахнгүй
хамт байсан ч харж чадахгүй
халамж тавьсан ч энхрийлж чадахгүй
хайр гэж яамар хэцүү юм вэ?

Ганцхан минийх гэж дэлхий дүүрэн хашгардаг
Өөр хэнд ч өгөхгүй гэж өөртөө би андгайлдаг
Өр зүрх минь ганцхан чамруу тэмүүлдэг
Надад таалагдсан болохоор чинь минийх

Бусдаас илүү намайг халамжилж энхрийлж хамт байсан билүү?
Буруу зүйл хийчихээд сэтгэлд хүрэхээр уучлалт гуйж байлуу?
Одоо чамаас өөр хүнтэй байгаа болохоор үзэн ядаж байна уу?
Өнгөрсөн ч гэсэн надад хайртай хэвээрээ гэлүү?
Хамт байсан үеийг дурсамж гэхэд хэцүү
Халамжилж байсан сэтгэлийг чинь хайр гэхэд хэцүү
Одоо надад хайртай хэвээрээ гэдэгт итгэх бүр хэцүү
Ондоо хүнээс харамласан энгийн нэг сэтгэлийг би мэднээ

Чиний төлөө цохилдог зvрх буруутай гэж vv
Чиний төлөө шаналдаг сэтгэл буруутай гэж vv
Чамд хайртай болсон би буруутай гэж vv
Чамайг санахдаа уйлдаг нулимс буруутай гэж vv..
Гуниглах сэтгэл минь нүднээс нулимс урсгана

Гундсан дурсамж минь хэн нэгнийг өгүүлэн бодогдуулна

Ганцаардсан бодол минь амирлангуй түүнийг надаас нэхнэ

Гомдож үлдсэн зүрх минь харин одоо болтол түүнийг хүлээнэ

Ганцхан чи надад хайраа шивнэдэг байсан
Гэвч би сэтгэлээ ойлгодоггүй байж
Чамайг надаас холдон одох тэр л агшинд
Чин сэтгэлээ би чинь ойлгосон
Чамд сайн гэсэн үгээ хэлэх байсан
Боломж бүрт би харамсдаг
Хайраа илчлэхэд зориг дутсан
Хувь тохиол бүрт би харамсдаг
Одоо үүнийг хэлэх тохиромжгүй ч гэлээ
Одод үгний минь гэрч болог
Чи минь наддаа эргээд ирвэл
ЧАНГААС ЧАНГА хэлэхээ амлая

Гал халуун хайранд шатаж ганцхан чамайг л хайрлая
Гарцаагүй үхэх орчлонд ганцхан чамайг л хайрлая
Сартай шөнийн зүүд юм гээд ганцхан чамайг л хайрлая
Сайхан бүхний дээд юм гээд ганцхан чамайг л хайрлая

Цонхоор тусах сарны туяа нь
Цохилох зүрхэнд чамайг бодогдуулна
Газарт буух хурын чимээ нь
Ганцхан чиний инээмсэглэлийг сануулна

Алаг цэцэгсийн дэлбээг тоолж
Амраг чамайгаа би хүлээлээ
Анх учирсан мөчөө дурсаж
Алдрай чи минь надруугаа яарлаа

Зүрхэлж хэлсэн үгийг минь унагалгүй тосож сонсоорой, хайрт минь
Зүүдэнд чинь орсон шөнө бүрийг алгасалгүй манаж хоноорой, янаг минь
Ганцхан чиний л асаасан гал зүрхэнд минь дүрэлздэг, энхрийхэн минь
Ганган үгээр хуурахгүй ээ, чин үнэнийг хэлье Би чамд хайртай

Зөвхөн нэрийг чинь сонсоход шүлэг мэт сонсогддог
би чамд тийм л хайртай
Зүүдээ манахад чи ирвэл мөнхөд сэрэхийг хүсдэггүй
би чамд тийм л хайртай

Зөн совин муугаар татахад хамгаас түрүүнд чамд зовнидог
би чамд тийм л хайртай
Зөөлөн амьсгаа чинь чихэнд шүргэхэд хорвоог мартдаг
би чамд тийм л хайртай
Хэн нэгний гар хацарыг чинь иллээ гэж зүүдлээд сэрээд зүүд байсанд баярладаг
би чамд тийм л хайртай

Хэзээ ч би чиний дэргэд байж чадна гэж үнэнээсээ амалдаг
би чамд тийм л хайртай
Халуун нулимсыг чинь гараараа нь биш зүрхээрээ арчдаг
би чамд тийм л хайртай
Хайргүй гэдэгийг чинь мэдсээр байж хүлээн суудаг
би чамд тийм л хайртай...

Хоёр дусал нулимс нийлээд
Нэг дусал болдог нь үнэн
Хоёр хүний сэтгэл нийлээд
Нэг сэтгэл болдог нь үнэн
Нулимсны тэр дусал болгон
Нууцханаар чамайг нэхдэг нь үнэн
Сэтгэлийн тэр аялгуу болгон
Сэмхэн чамайг үгүйлдэг нь үнэн
Санасан тэр дусал нулимсаа
Салхиар илбүүлэн би чинь арчъя
Хайрласан тэр сэтгэл зүрхээ
Хайрт чамдаа л зориулан уусгая

Олон жилийн өмнөөс ганцхан чамайг хайрласаан
Одоо хүртэл чи минь миний зүрхэнд нууцаар байрласаан
Өнгөрсөн жаргалтай мөчөө би дурсаж байна
Өөрөөр хэлвэл миний нулимс хацар даган урсаж байна
Бүгдийг эрэгцүүлэн ахин дахин бодсоон
Гэсэн ч чи минь намайг орхин яван одсоон
Чи явсан өдөр чинь байн байн бодогдоно
Чиний байхгүй байсан өдөрийг би тоочигноно
Чамайг бодон суусаар өдөр хоног өнгөржээ
Нуулгүй хэлхэд чамгүйгээр амьдарж чадахгүй ээ

....Хэн нэгэнд хандаж хэлбэл...

Намар цагын налгар өдрүүд
Навчис хаялам уйтгартай байна.
Сэвэлзэх салхитай сэрүүн өдрүүд
Сэтгэл эмтлэн гунигтай байна

Зүрхэнд минь ирсэн тэр л хайр халуунаараа чамайг хүлээсээр 

Зүүдэлж сэрсэн мөрөөдөл минь хайртыгаа хүсэн тэнүүчилсээр... 

Өдөө гээсэн шувуу эргэж түүнийгээ олдоггүй 

Өр зүрхэнд туссан шарх дахиж хэзээ ч эдгэдэггүй 

Өнгөнд хууртсан сэтгэл ханаж цадахыг мэддэггүй 

Өвчинд нэрвэгдсэн хүнийг эрүүл бусад нь ойлгодоггүй болохоор 

Хайр даадаггүй хүмүүст харц доогуур бүү харагд. 

Согтуу хөлчүү мэт амьдарсан хоног өдрүүд баяртай 

Сормуус нойтон байсан цаг мөчүүд минь баяртай 

Солонгийн өнгүүдээр чимсэн сэтгэлийн гэрэл гэгээтэйгээр 

Сайхан бүхнийг надад авчирах ирээдүйлүүгээ урагшаа.....

Үс арчилах нь зөв угаахаас эхэлдэг.Үс сайхан бол зүё сайхан гэдэг шүү дэ

Өнөө үед хүмүүс үснийхээ эрүүл байдал, зөв арчилгаанд анхаарлаа хандуулдаг болсон. Үсээ гэмтээх, зөв арчлахын тулд үснийхээ төрлийг зөв тодорхойлох нь чухал юм. Үс нь хэвийн, хуурай, тослог, холимог гэсэн 4 төрөлд хуваагддаг.
Хэвийн үс нь гэрэл сайн ойлгодог тул наранд гялалзаж харагддаг. Хэрэв таны үс зөөлөн налархай, ширэлддэггүй, хялбар самнагддаг, хэлбэрт ордог ба эрүүл өнгөтэй, толгойгоо угаасны дараа хэд хоногийн турш энэ байдлаа хадгалж чаддаг бол та үсээ онцлогт нь тохируулан сайн арчилдаг, эрүүл сайхан үстэй юм байна.
Тослог үс нь бүрсгэр өнгөтэй, угаагаад багахан хугацаа өнгөрсөний дараа тослогтон бөөгнөрч, хиртсэн бохир юм шиг санагдаж эхэлдэг. Үсний тослог нь олдмол болон удамшилаас шалтгаалсан толгойн хуйхны өөхний булчирхайн идэвхжилтээс хамааралтай байдаг болно.

Хуурай үс нь гэрэл муу ойлгодгоос болоод бүрсгэр өнгө муутай харагддаг ба гялтганадаггүй. Ийм үс нь амархан хугарч, орооцолдож ширэлддэг үзүүр нь салаалсан байна. Ихэнх хүмүүст тохиолддог энэ хүнсний хуурайшил нь тосны булчирхайн идэвхжил буурснаас бус харин үсээ буруу арчилснаас болж үүсдэг байна.
Холимог төрлийн үстэй хүмүүсийн тоонд гол төлөв урт үстнүүд ордог ба булчирхайнаас ялгарч буй тос үсийн уртад бүрэн хүрэлцдэггүй учраас үсний уг нь тослог, үзүүр нь хуурай байдаг ажээ. Тиймээс холимог үсний үзүүр нь байнга салаалдаг тул тохирсон арчилгаа, эрүүл хоолны дэглэм хэрэгтэй.

Үсээ зөв арчилах гэдэг нь юу гэсэн үг вэ?
Үсээ эрүүл сайхан, гэмтэлгүй харагдуулахын тулд цагаа олсон зөв угаалга маш чухал ач холбогдолтой юм. Үсийг ерөнхийдөө онцлогоос нь шалтгаалан өдөр тутмын угаалгаас 8-10 хоногт 1 удаа гэсэн давтамжтайгаар угааж болдог. Баримтлах зарчим нь тун энгийн өөрөөр хэлбэл угаах зайлшгүй гэж үзсэн үедээ л үсээ угаах хэрэгтэй. Жишээ нь үсний гель, хөөс лак зэрэг үсийг хатууруулж гэмтээдэг хэлбэржүүлэгч бэлдмэл тогтмол хэрэглэдэг хүмүүс үсээ өдөр бүр угаах шаардлагатай болдог.
Өдөр тутам үсээ угаадаг хүмүүс зориулалтын зөөлөн шампунь сонгох нь зүйтэй. Үсээ угаахдаа хэт халуун болон хүйтэн усаар угааж болохгүй ба усны температурын түвшин 35-45 градус байх ёстой ажээ. Мөн үсний тослог их байх тусам усаа бүлээсгэх / хүйтэвтэр / шаардлагатай болдгийг сана. Үүнээс гадна шампуниа хуурай үсэн дээрээ түрхэж болохгүй ба эхлээд үсээ сайтар норгож дараа нь алган дээрээ бага зэрэг шампунь асгаж, 2 алгаа хавсран нялж толгойныхоо хуйханд нямбай хурууныхаа өндгөөр иллэг хийх маягаар жигд тарааж үүссэн хөөсөөр үсээ угаах нь зөв.
Мөн үсээ, дор хаяж 2 удаа угаах шаардлагатай ба эхний угаалтаар хир, тоос шороо, арьсны тослогыг арилгаж удаах угаалтаар жинхэнэ шампуны эмчилгээний идэвхжил харагдах учиртай. Харин шампунь болон үсний бусад угаагч бэлдмэл хэрэглэсний дараа үсний гадарга дээрх угаагч бодисын үлдэгдлийг сайтар усаар зайлан арилгах хэрэгтэй.
Мөн угаахаас өмнө сайн самнасан үс угаасны дараа орооцолддоггүй амархан /хэвд ордог / самнагддаг гэдэг. Богино үсийг угаас нь харин урт үсийг үзүүрээс нь дээш ахих замаар самнах хэрэгтэйг сана. Үсийг нойтон байхад нь самнах нь буруу ба зайлшгүй тохиолдолд төмөрлөг биш хуванцар, модон самаар самна. Үсийг хатаах хамгийн шилдэг арга бол өөрөөр нь хатаах явдал бөгөөд зарим тохиолдолд халуун алчуур хэрэглэж болдог. Хатаагч сэнс ашиглахаас аль болох татгалзах хэрэгтэй. Хэрэв үсээ сэнсээр хатааж хэлбэрт оруулах бол хүйтэн сэнсээр толгойноосоо 40-см хэртэй зайнаас барьж үлээлгэвэл зохино.

Даавуун цэцэг хийх заавар

Энэ цэцэг нь хийхэд маш хялбар бас юунд ч чимэглэл болгож хэрэглэж болно. Материалын хувьд сэмрэлт багатай нэхмэл даавуу юмуу ноос болон эсгий байж болно. Энд ашигласан материал нь нэхмэл даавуу буюу подволкны
 материалаар хийсэн.
Эхлээд даавуугаа тэгш өнцөгт хэлбэртэй хайчилна.
Нэг талыг нь дугуйруулан цэцгийн дэлбээ шиг хэлбэр үүсгэн хайчилна. Заавал шүдтэй хайч хэрэглэх албагүй шүү

Дэлбээнүүдийн доод талаас нь утас зүүгээр шидэн хумиж оёно. Оёж дуусаад утсаа татаж цэвэрхэн бэхлээрэй.

Одоо суурь материал дээрээ цэцэгийн гол хэсгээр нь хөвөрдөн тогтоож оёно.

Цэцэгнийхээ голд нь товч шүр гээд хүссэн зүйлээ оёж тогтоогоорой.
За байз аль нь дээр байна.

За за энийг нь сонголоо 

Цэцэгний дэлбээ том тохиолдолд налж унах гээд байдаг тул дэлбээгээ материалтайгаа дахин тогтоогоорой.

Энэ бол Франц зангилаа буюу Зангилаа хатгаас. Утасаа зүүндээ ороож байгаад цааш хатгахад утас чинь зангирч бөөрөнхий хэлбэр үүсэн хатгагддаг. Маш өргөн хэрэглэгддэг хатгаас юм.

Оёох хатгах дуртай бүх хүнд..........(Өөшөө илүүг http://tsetsgeehandmade.blog.gogo.mn  оос by)

 

Сарнай хийх заавар

Хэрэгтэй зүйлс:

Цэвэрлэгээний алчуур

Хөөрхөн байгаа биздээ 

Шорлогны мод

Цавуу (халуун цавуу, даавууны цавуу бүх зориулалтын цавуу)

Утас, зүү, хайч, тэмдэглэгч харандаа

Хийх арга:

1. Нэг сарнайнд 4-н ширхэг дугуй дүрс(энэ дугуйны хувьд 8см-н диаметртэй байгаа ) орно гэж тооцоод хэрэгцээнийхээ хэрээр дугуй дүрсээ зурж хайчилаарай. Бас энэ цуврал зааврууд маань бүхэлдээ дугуй дүрсүүдийг хэрхэн хувиргаж болох бяцхан жишээ юм шүү. Иш хийх алчуураа зургын дагуу нарийхан бас навчны дүрстэйгээр хайчилна. Цавуугаа сонгохдоо түргэн хатдаг халуун цавуу эсвэл даавууны цавуу сонгоорой.

2. Дугуй дүрсүүдээ модныхоо үзүүртэй талаас нь голд нь нэвт хатгана цоолж сүвлэнэ. Бүгдийг нь цоолж сүвлээд дуусмагц үзүүртэй талын хамгийн эхний дугуйг үзүүрлүү нь ойртуулаад цавуудаж дүрсээ голоор нь нуглана.

3. Голоос нь эхлэн модондоо дүрсээ орооно. Ороохдоо аль болох ирмэгийг нь тэгш гаргаарай. Ороож дуусаад утас зүү авч бэхлэн оёно. Одоо дараагийн дугуй дүрсийг ороосон дугуйруугаа тулгаж татаад тал бүрд нугалж шингээн утсаар дор бүрд нь тогтоож оёно. Ингээд үлдсэн хоёр дугуйг мөн л энэ аргаар тус тусд нь бэхлэж оёорой.

4. Нэг жижиг дугуйг голд нь жижигхэн нүх гаргаад модны доороос нь хатган оруулаад цэцэгнийхээ доод хэсэгт цавуу түрхээд нөгөө жижиг дугуйгаараа шахаж наалдуулна. Иш хийх нарийн хайчилсан алчуураа авч үзүүрт нь цавуу түрхэнэ. Ингэхдээ навчний үзүүрийг дээш харуулна

5. Цавуудсан үзүүрээ цэцэгний ёроолд сайн шахаад модоо нэгэн жигд ороож эхлэнэ. Эхний алчуур ороож дуусмагц үзүүрийг нь цавуудаж тогтоогоод дахин нэгийг үзүүрийг нь цавуудаад үргэлжилүүлэн орооно. Модны доод үзүүрт ирмэгц үзүүрээ цавуудаад ороож дуусгана.

Ингээд дууслаа. Та энэ цэцгийг бас гэртээ чимэглэл, найздаа бэлэг болгож ашиглаж болно шүү.

Хайртай бол хардах ёстой юу?

-Эрчүүд, хүүхнүүдийн хэн нь илүү их хардамтгай вэ?-

Дурлал хэмээх зүрхэн дэх шүдний өвчнөөр өвддөггүй хүн үгүй. Бүсгүйчүүд дурлаж, дасахаар хайртай хүнээ өөр эмэгтэй рүү харц шидэхэд л зүрх нь шаналж, хар гэгч айхтар эмгэгтэй болдог.

Учир нь бүсгүйчүүд өөрөөсөө өөр эмэгтэйг хайрлахыг хайртай хүндээ ердөө зөвшөөрч чаддаггүй эмзэгхэн улсууд. Хэрвээ хайрт чинь чамаас ондоо бүсгүй рүү харц шидээд байвал яавал зохих талаар нэгэн зөвлөгөө өгье.

• Та хоёрын харилцаанд түүний хүсэл таашаал хамгийн гол үүрэгтэй гэж чи боддог бол энэ итгэлд нь эргэлзээ төрүүлээд үзэгтүн. Цаадах чинь хэрэв чамд үнэхээр хайртай л бол цочирдож таарна.

• Тэр чамайг гэртээ хашаад, өөрөө чөлөөтэй гадуур гарч байгаагаа эр хүнд байдаг зан гэвэл би ч бас эрх чөлөөтэй бүсгүй гэдгээ илэрхийлж, заримдаа орой үдэш найз нартайгаа юм үзэж, буу хал. Оройтож ирэнгүүтээ "Тэд намайг явуулдаггүй. Би тэдэнд хэрэгтэй хүн гэдгээ мэдрэх сайхан байлаа шүү" гээд хэлээд үз.

• Чамд зөвхөн тэр л хайртай юм биш байна гэдгээ мэдрүүл. Хааяа хэн нэгнээс илгээсэн мессежээ унш. Түүнд үзүүл.

• Хэн нэгэн чамтай утсаар яривал аль болох удаан ярь. Тэгээд утсаа тавихын өмнө, ээж чинь байсан ч дуугаа намсгаж юуг ч юм шивнэж хэлээд "дараа яръя" гээ. Хэн ярьсан гэвэл найз эмэгтэйгээ гэж хэл. Энэ үгэнд үл итгэх тул хайртай залуу чинь чиний талаар арай зөөлөн бодолтой болоход лав нөлөөлнө.

• Хичнээн сэтгэл ханаж, аз жаргалтай байлаа ч үүлэн борооны ажлынхаа дараа уртаар санаа алдаад үз. Эсвэл өөрсдөдөө хамаагүй, тэс хөндлөнгийн юм ярь.

• Хайрт чинь өөрийгөө ямагт дээгүүр тавиад байвал чи дорой байдал гаргаад хэрэггүй. Наад зах нь "Шивэр үнэртэж байна. Чи хөлөө угаагаагүй юм уу" гээд хэлээд үз. Уурлавал худлаа тоглосон юм гээд хэлээд үз.

• Үе үе оройтож ирээд байвал хардаж буйгаа бүү мэдэгд. Тоомжиргүй дүр үзүүл. Давсгүй хоол хийгээд өгчих. Чиний зориуд инээмсэглэсэн царайг хараад цаадах чинь нэгийг бодох нь гарцаагүй.

• Энэ бүх арга хэмжээ үр дүнгээ өгөхгүй янзтай бол чи түүний хүсэл бүхнийг битгий аялдан дага.
Сайхан хүүхэн хараад харц шиддэггүй эр хүн гэж ховор. Тэгээд ч ихэнх эрчүүд хүүхэмсэг байдаг юм шүү дээ.

Гагцхүү амьдралынх нь түшиг, хувь заяаных нь утга учир бол "Зөвхөн би шүү" гэдгээ мэдрүүлж чадсан тэр цагт эр хүн, өөрт нь ямар чухал хүнийг үл тоомсорлож явснаа ойлгож чиний өмнө сөхрөх болно. Харин сануулахад дээрх зөвлөмжүүдийн жорыг тааруулж туршаарай. Хоолны давс ихэдвэл гашуун байдаг шүү дээ.

Анхны харцаар дурладаг гэж үү?

Анхны харцаар дурлана гэдэг бол яг л нарны хурц цохилт, аянга гялс хийхтэй адил зүйл юм. Хэн нэгэн эрэгтэй, эмэгтэй хүнийг анх хараад л түүнд дурласан хэмээн боддог. Тэгвэл үүнийг хэрхэн хүлээж авах вэ?

- "Анхны харцаар дурладаг гэдэгт та итгэдэг үү?". Тэгвэл "үүнээс өөрөөр яаж дурладаг вэ?". Ихэнхдээ хүмүүс хэн нэгэн эсрэг хүйснийхээ хүнтэй учрахдаа "хувь зохиол" хэмээн сэтгэл дотроо боддог. Учир нь ямар нэгэн далдын хүч тэр хүн уруу хүчтэй татаж, улмаар нөхцөл байдал өөрөө таныг түүнтэй хамт байлгаж, холбож өгдөг.

- Санаандгүй хэн нэгэн эсрэг хүйстнийхээ хүнтэй учраад өөрийн мэдэлгүй түүнд татагдаж, зүрх хүчтэй цохилж, бие хөнгөрөх шиг болж, сэтгэл зүрх ямар ч шалтгаангүйгээр баярлаж догдолдог шүү дээ. Магадгүй таны хүсэн хүлээж байсан мөрөөдлийн хүн чинь байсан болохоор танд ийм онцгой мэдрэмж төрсөн болов уу.

- Анхны харц нь хайр дурлалд шууд ач холбогдлыг өгдөг байна. Өөрөөр хэлбэл бүх зүйл нүдтэй холбоотой гэсэн үг юм. Үүнийг тайлбарлахдаа амьтнаас бидэнд өвлөгдөн ирсэн зан хэмээн ярьцгаадаг. Нүдээрээ ширтсэн харц нь уураг тархийг байлдааны бэлэн байдалд оруулж улмаар оюун санаанд ойртох уу эсвэл ухрах уу гэдэгт хариулт өгдөг байна. Иймэрхүү зүйлийг хүмүүс дурласан мэт хүлээн авч ойлгодог.

- Огт бие биеэ танихгүй хүмүүс хоорондоо яриа өрнүүлэхдээ бие бие уруугаа цоо ширтдэг шүү дээ. Энэхүү үргэлжилсэн харц нь эсрэг хүйснийхээ хүнийг шохоорхож улмаар түүнд итгэхэд хүргэдэг байна. Учир нь тасралтгүй ширтэх харц нь танд аятайхан санагдаж, улмаар та уг холбоог үргэлжлүүлдэг. Ийнхүү та анхны харцаар тухайн хүндээ дурладаг ажээ. Хэрэв тийм биш бол та харцаа буруулж, та хоёрын хооронд ямар ч зүйл болж өнгөрөхгүй гэсэн үг юм.

- Ихэнх тохиолдолд эрэгтэй хүмүүс нүдээрээ дурладаг. Энэ нь үнэний хувьтай билээ. Харин эмэгтэй хүн чихээрээ дурладаг байна.

Та хайр сэтгэлтэйгээ ямар улиралд учирсан бэ?

Улирал бүр өөр өөрийн онцлогтой. Эдгээр онцлогууд нь хүн болгонд янз бүрээр үйлчлэх нь мэдээж. Хүний сэтгэл зүйтэй холбоотой олон янзын мэдрэмж нь улиралаа дагаад өөрчлөгдөж хувирах нь байдаг ажээ. Сэтгэлзүйчдийн үзэж буйгаар хайр сэтгэлийн хүрээ, хувирал, үе шат нь улиралтай холбоотой байдаг гэнэ.

Хавар: Амьд бүхэн сэргэдэг энэ үед хүний сэтгэл ч хөвсөлжиж догдолж эхэлдэг. Хаврын цагт хүн дурламтгай болдог байна. Гэхдээ энэ сэтгэл хөдлөл нь унтрахдаа амархан аж. Хавар өрнөсөн хайр сэтгэлийн роман тогтвор муутай, удаан үргэлжилдэггүй гэж сэтгэлзүйчид үзэх нь бий. Оросууд хаврын таван сард хуримлахыг таашаадаггүй. Хавар шигээ хувирамтгай, баталгаа муутай гэр бүл болно гэж үздэгээс тэр. Энэ тухай дуу шүлэг, онигоо яриач элбэг байдаг аж. Аливааг дүгнэх тухайн улс үндэстний нэгэн онцлог. Монголчууд ч хурим найрыг хавар хийгээд байдаггүй. Гэхдээ хайр сэтгэлтэй бус мөчлөг тачиг цагтаа холбон үздэг. "Хавар" гэдэг үг нь эртний "Ховор" гэх утгатай үгнээс гаралтай гэж түүх судлаачид тайлбарладаг.

Зун: Зуны дэлгэр цагт хүний сэтгэл ч нялхамсаж, илүү тайван, стресс багатай байна. Хайр сэтгэлийн хувьд зун тааламжтай улирал мөн болно. Цэцэг навч болсон энэ улиралд хосууд уулзаж учирах нь олширч, бие биенээ харилцан ойлгоход илүү дөхөм болдог. Мөн энэ улиралд амралтын, зугаа цэнгэлийн, "богино хэмжээний" роман, сээтэгнэл илүүтэй байдаг тул сонор сэрэмжээ алдуузай. Бэлгийн замын төрөл бүрийн халдварт өвчин чухам энэ үед илүү ихэсдэгийг эмч мэргэжилтнүүд тогтоожээ. Зуны налгар улиралд гэр бүл болсон хосууд хоорондоо эвтэй, дулаан бүлээн уур амьсгалыг бүрдүүлж чаддаг гэж зарим сэтгэл судлаачид үздэг юм билээ.

Намар: Өвлийн дохио айсуу үе. Шарчигнан унах гунигт шар навчисын адил хүний сэтгэл ч гэгэлзэж, өнгөрсөн дурсамжинд автах нь бий. Намрын шиврээ бороо орох нь хүнд уйтгар гуниг авчирах нь байдаг. Амралт аяллын тааламжтай үе өнгөрч, өдөр тутмын саарал өдрүүд хүлээх болно гэдэг мэдрэмж нь хүнийг стресст оруулдаг. Чухам энэ үеэр, намрын цагт амиа егүүтгэх явдал ихэсдэг болохыг судлаачид тогтоосон байна. Намар цагийн хайрын учрал их романтик байдгаараа онцлогтой. Монголчууд айраг цагаа элбэгшсэн намрын цагт хурим найраа бэлддэг бол Европынхон хайрын хөнгөн гунигт автанхан намрыг үддэг. Намар цагийн хайр сэтгэл тэр бүр бүтээд байдаггүй.

Өвөл: Идэр ес тачигнасан өвлийн улиралд хайрттайгаа учирсан бол гэр бүл бат бэх болохын нигууртай. Цаг агаарын тийм ч тааламжтай биш байдал, хоол хүнс, хувцас хунараа базааж бэлтгэх зэрэг олон даваа, сорилтууд биднийг хүлээж байдаг. Энэ үеэр подхийтэл өөрийгөө базаасан хүн хайр сэтгэлийн хувьд ч тууштай, бэлтгэлтэй байж чадна. Мөн ирж болох хүндрэл бэрхшээлүүдийг хайр сэтгэлээ хохироолгүйгээр давж чадна.

Хайр зургаан төрөл байдаг

Анхны хайр хоёр дахь хайраас илүү хүчтэй байдаг гэж үнэн үү? Гэхдээ магадгүй хоёр дахь хайр илүү бат бөх байж болох юм. Учир нь хайр сэтгэлийн асуудал дээр багагүй туршлага хуримтлуулсан байдаг болохоор хэрхэн яаж харьцвал зохистой болох талаар мэддэг болсон цаг үе.

Тэгвэл:
- Түүнийг үнэхээр хайртай гэдгийг хэрхэн мэдэх вэ?
- Цаг хугацаа л үүнийг харуулах болно. Гэхдээ мэдээж хайртай дуртайгаа нотолсон байж таарна. Тухайлбал: дурлалт хосууд урт удаан хугацааны туршид бусдын өмнө харьцаа холбоотой байхыг хүсдэг бөгөөд аль болох хамтдаа байхыг хичээдэг. Түүнчлэн ямар ч үед бусдын тавьсан асуултанд хариулахад бэлэн байдаг.
- Хайр нь янз бүр байж болох уу?
- Ерөнхийдөө бол зургаан төрлийн хайр бидний дунд оршин тогтнодог гэж хэлж болно.

Үүнд:
Нэг. Эротик хайр - Хурдан асдаг хэрнээ амархан унтардаг. Энэ нь удаан оршин тогтнож чаддаггүй бөгөөд түр зуурын шохоорхлын өнгө аястай байдаг.

Хоёр. Өрөвдөх сэтгэлийн хайр - Энэ төрлийн хайр нь ихэвчлэн гэр бүл, ойр дотны хүмүүс болон төрөл садангийн хүмүүстэй хамааралтай байдаг.

Гурав. Шунал тачаалын хайр - Дурласан нэгний нүдийг нь сохор, чихийг нь дүлий болгоод зогсохгүй аз жаргал үгүй бол гомдол цөхрөлийг авчирдаг. Энэ хайртай болгоомжтой харьцах хэрэгтэй.

Дөрөв. Санаандгүй хайр дурлал - Ерөнхийдөө уршиггүй, таатайхан зугаа гэж хэлж болно. Үргэлжлэх хугацаа нь ч тодорхойгүй.

Тав. Сонирхлын хайр - Үндсэндээ хүсэл сонирхол дээр тулгуурласан байдаг. Заримдаа ашиг хонжоо хайх зарчмаар энэ хайрыг амьдралд хэрэглэх нь цөөнгүй тохиолддог байна.

Зургаа. Халамжийн хайр - Эр эм хоёр хүн гэхээсээ илүүтэйгээр эцэг эх, үр хүүхдүүдийн хооронд байдаг харилцаа юм. Хамгийн хүчтэй хайр гэвэл энэ хайрыг хэлэх болов уу.

Хайр дурлалд насны хязгаар байдаг уу?

Хайр дурлалд насны хязгаар байдаггүй хэмээн ярьдаг үнэний ортой аж. Гол нь хоёр хүний сэтгэл нийлж чадаж байвал болох нь тэр. Мэдээж хэрэг асуудалгүй амьдрал гэж юу байхав. Хамтран амьдрахад насны зөрүү тийм ч асуудал биш бололтой. Ингээд эдгээр хосуудын давуу болон сул талыг товчхон өгүүлье.Нийгмийн байдал:Хэрэв эмэгтэй нь эрэгтэйгээсээ эгчмэд бол эрэгтэй нь үр удмаа үлдээх тал дээр аль хэдийнээ толгойдоо бодчихсон байдаг. Үүний зэрэгцээ нийгэмд байр сууриа олоход нь тусалдаг. Харин эрэгтэй нь эмэгтэйгээсээ ах бол эмэгтэй нь ядаж өөрөө өөртөө зарцуулах хэрэгцээнийхээ мөнгийг олохын төлөө явдаг. Эрэгтэй нь аль хэдийн байр сууриа олчихсон болохоор карьер хөөх тал дээрээ илүү анхаардаг.Хүүхэд: Эрэгтэй нь эмэгтэйгээсээ ах бол энэ тал дээр ямар ч асуудал байхгүй. Аав болохдоо баяртай байгаад зогсохгүй өөрөө яг л багш шиг хүүхдээ өсгөж, хүмүүжүүлдэг байна. Харин эрэгтэй нь эсрэгээрээ дүү бол аав болох тал дээр бэлэн эсэхдээ нэлээд эргэлздэг. Мэдээж хэрэг үр удмаа үлдээх нь зүйн хэрэг хэмээн ухамсарладаг хэдий ч эцсийн эцэст хоёр хүний хайрын холбоо чухал хэмээн хүүхэдтэй болохоос татгалзах явдал бий.Сексийн амьдрал:Эмэгтэй нь эрэгтэйгээсээ эгчмэд бол энэ тал дээр асуудал харьцангуй бага байдаг. Учир нь ижил хурдтай, яг энэ тэнцүүхэн ор хөнжлийн ажлаа хийдэг. Харин эрэгтэй нь эмэгтэйгээсээ ах бол асуудал үүсэх магадлал өндөр. Учир нь залуу бүсгүйгээ хангаж чадахгүй байх явдал цөөнгүй гардаг. Энэ нь эрчүүдийн хувьд байгалийн жам ёсны асуудал юм.Гадаад төрх байдал Залуу нас, гоо сайхан дүр төрх мөнхийн зүйл биш. Тиймээс энэ тал дээр эр эм хоёр санаа зовоод байх зүйлгүй. Хүний амьдралын жам ёсны асуудал. Харин яавал эрт хөгшрөхгүй байх тал дээр анхаарах хэрэгтэй. Үүний тулд хэрэглэж буй хоол хүнс, эрүүл агаар, хөдөлгөөн зэрэгт ач холбогдол өгөх нь чухал байдаг.

Хайрын түүх

Нэгэн цагт Хайр, Уйтгар гуниг, Шунал, Мэдлэг, Аз жаргал, Их зан зэрэг хүний бүх мэдрэмж нэг арал дээр амьдардаг байжээ. Гэтэл арал нь живэх болсон тухай мэдэгдэж бүгд л арлаа орхин явахын тулд завиа бэлдэцгээжээ.

Хайр үргэлж бусдаас хоцордог байсан тул юу ч болсон эцсийн сөч хүртэл хүлээхээр шийджээ. Тэгээд арал живэх үед Хайр тусламж гуйхаар шийдлээ. Шуналмаш том завинд суугаад явахаар зэхэж байхад нь Хайр, “Намайг хамт аваад яваач” гэж гуйхад Шунал: “Үгүй, завиндаа хэтэрхий их алт мөнгө ачсан учраас чамайг багтаах зай алга” гэлээ. Хайр үзэсгэлэнтэй сайхан завинд суусан Их зангаас тусламж гуйхад тэр, “Би чамд туслахгүй. Чи нэвт норсон байгаа тул завийг минь муухай болгочихно” гэжээ. Хажуудаа суусан Уйтгар гунигаас Хайр: “Чамтай хамт явья” гэхэд хариуд нь “Өө Хайр минь, би үнэхээр их гунигтай байгаа тул ганцаараа баймаар байна” хэмээв.Аз жаргал хажуугаар нь өнгөрсөн боловч туйлын аз жаргалтай байсан тул Хайрын дуудсаныг ч сонссонгүй.

Гэтэл Хайр хэн нэгэн өөрийг нь дуудаж байгааг сонсжээ. “Хайр минь хүрээд ир, би чамайг ав явья”.  Нэгэн настан дуудсан байлаа. Харин Хайр өөрийгөө азтайд тооцон, баярласандаа түүний нэрийг асуухаа мартжээ. Шинэ газар очсон хойноо тэд өөр өөрийн замаа хөөжээ. Настанд хичнээн их өртэйгөө мэдэрсэн Хайр Мэдлэгээс “надад хэн тусалсан юм бэ?” гэж асуув. Тэр “Цаг хугацаа” гэж хариулжээ. “Цаг хугацаа гэнээ? Яагаад надад тусласан юм бол?”. Мэдлэг инээмсэглэн байж хариулсан нь “ Учир нь зөвхөн Цаг хугацаа л Хайр хичнээн агуу, чухал зүйл болохыг ойлгодог гэжээ

Би түүндээ хайртай байсан…

Лам шарилын толгойн тус зогсоод залбирал уншиж байв. Гэнэт 50 жил ханилсан ханиа оршуулж байгаа настай эр ” би түүндээ хайртай байсан.” гэж чанга дуугаар цурхиран уйлж эхлэв. Нам гүм байсан оршуулагын ёслолыг ийнхүү хижээл эр эвдэв. Гэвч намдах шинжгүй үргэлжлүүлэн уйлсаар байсан тул тэнд байсан үр хүүхэд, найз нөхөд нь баахан санаа зовж эхлэв. Тиймээс хүүхдүүд нь “Ааваа бид нар мэдэж байна аа гэхдээ та одоо тайвшир, чимээгүй байл даа” гэж гуйх шаардах зэрэгцэн хэлж байв.
Өвгөн, шарилын хайрцагийг нүх рүү буулгах агшинд мөн л цурхиран уйлж эхлэв. Лам гэр бүлийнхэнд шарилын нүхэнд шороо хийх хэрэгтэй гэхэд өвгөн улам чангаар “Би чамдаа хайртай байсан шүү дээ, би чамдаа хайртай байсан шүү дээ,Би чамдаа хайртай байсан шүү дээ” гэж уйлж байгаа өвгөнийг хүүхдүүд нь аргадж байсан ч өвгөн огт тоосон шинжгүй “Би чамдаа хайртай байсан шүү дээ” гэж уйлж байв.
Удалгүй хүмүүс нэг нэгээрээ тарж эхэлсэн ч өвгөн явах янзгүй суусаар л байв. Чулуун дээр бичсэн нэр лүү гөлрөн суусан өвгөнд лам дөхөж очоод “Танд ямар хүнд байгааг ойлгож байна л даа. Гэхдээ одоо эндээс явцгаая, үхсэндээ хамт үхэх биш дээ. Бидний амьдрал үргэлжиж байна.” гэв. Гэтэл өвгөн шаналан “Би түүндээ хайртай байсан. Гэхдээ гэхдээ… залуу байхад аа нэг юм уу 2 удаа л хэлсэн. тэрнээс хойш нэг ч хэлээгүй” гэжээ.
ЭцэгТүүнийг гэртээ ядарч сульдаад ирэхэд 5 настай хүү нь хаалган дээрээ зогсоод хүлээж байлаа. Хүү нь түүнээс “Ааваа та нэг цагт хэр их мөнгө олдог вэ?” гэж асуужээ. Тэрээр энэ чамд хамаагүй гэж уцаарлан хэллээ. Гэхдээ ааваа хүү нь мэдмээр байна гэж хүү нь шалав. “За яахав 20$ олдог” хэмээн хариуллаа. Гэтэл хүү нь “та тэгвэл надад 10$ өгөөч” гэх тэр. Аав нь учиргүй уурлаж “Чиний хэрэгтэй хэрэггүй тоглоом янз бүрийн юманд чинь зарцуулах илүү мөнгө алга. Өрөөндөө ороод хаалгаа хаа гэжээ.
Хүү чимээгүйхэн ороод хаалгаа хаав. Аав ч уйртайгаар “Энэ хүүхэд яаж зоригтой асууж байнаа?” гэж боджээ. Нэг цагийн дараа тэрээр хүүдээ уурлаад мөнгөөр яах гэж байсаныг нь асуугаагүйгээ саналаа. Магадгүй үнэхээр чухал байсан ч юм билүү. Хүүгийнхээ өрөөнд ороод, орондоо хэвтэж байгаа хүүгээсээ “Унтаж байгаа юм уу?” гэж асуулаа. Хүү нь “үгүй” гэж хариулахад “Май энэ 10$-г ав. Түрүүн муухай аашилсныг минь уучлаарай өндөөдөр их хүнд өдөр байлаа.” Гэжээ. Хүү нь баяртайгаар үсрэн босоод “Баярлалаа ааваа” гээд орон дотроосоо бутархай мөнгө хадгалдаг хайрцагаа гарган, аавыгаа царайчлан хараад мөнгөө удаан гэгч нь тоолов. Аав нь мөн л уурлаж “Чамд мөнгө байсаар байтал яагаад надаас мөнгө авч байгаа юм бэ?” Чиний тоглоомонд оролцох зав надад байхгүй гэж хэлэхэд хүү нь “Ааваа би тантай нэг цаг баймаар байна. Энэ 20$-оор таны нэг цагийг авч болох уу?” гэжээ.
ЦуурайНайм ес орчим настай хүү эцгийн хамт ууланд аялж явжээ. Гэтэл хүү гэнэт хальтран унаад өвдсөндөө болон “ёо ёо” гэж орилжээ. Гэтэл дуу нь цуурайтан эргэн сонсогдожээ. Хүү хэн нэгэн бас “ёо ёо ” гэжорилохыг сонсжээ.
Өмнө нь ийм зүйлтэй огт тааралдаж байгаагүй тул гайхан:
“Чи хэн вэ”гэж хашгирав.
Хариу ч тэр дороо ирлээ.
“чи хэн вэ?”
Харин хүү бухимдан:
“хулчгар” гэв.
Хариу бас л ижилхэн:
“Хулчгар ” гэж ирэв.
Хүү аавда:
“Ааваа энэ чинь одоо юу болоод байгаа юм вэ би ойлгохгүй бна.” гэв
Аав нь:
“миний хүү сонсож бай” гээд,
“Бүх юм сайхан” гэж хашгирав
Уулнаас ирэх дуу нь эргээд
“Бүх юм сайхан” гэв.
Аав:
“Би чамд хайртай”
Уулнаас ирэх дуу:
“Би чамд хайртай”
Хүү гайхсан хэвээр сайн ойлгоогүй байлаа.
Үүнийг харсан аав нь: “Үүнийг цуурай гэдэг юм. Гэвч амьдрал үнэндээ яг цуурай шиг байдаг. Чиний хэлсэн, хийсэн бүр чинь эргээд чамд тэр хэвээр тусдаг. Амьдрал бол бидний өөрсдийн хийсэн, хэлсний цуурай мөн билээ. Амьдралыг сайн сайхан байлгаж, муу муухайгаас цэвэрлэхийг хүсч байгаа бол өөрийнхөө сэтгэлийг сайн сайхан байлгаж, муу муухайгаас цэвэрлэх хэрэгтэй. Бусдыг өрөвч, зөөлөн байгаасай гэж хүсч байгаа бол эхлээд өрөвч зөөлөн байх хэрэгтэй. Амьдрал гэдэг чи түүнд юу өгнө, эргээд яг түүнийг чамд өгдөг жамтай”. гэж хэлжээ.
Заяаны ханьХаалгаар арай ядан тэмтчин орох залуу бүсгүйг автобусны зорчигчид их л өрөвдөнгүй харцгаана. Түүнийг Сузан гэх бөгөөд эмч нар буруу онош тавьж эмчилсэнээс гуч гаруйхан насандаа хараагүй болж, нэг л мэдэхэд уур уцаар, бухимдлын ертөнцөд унасан юм.
Хөөрхий бүсгүйд энэ ертөнцөд харах мэлмий, түших тулгуур болж үлдсэн цорын ганц хүн нь Марк байлаа. Тэрээр агаарын цэргийн армид алба хаана. Сузаныг хараагүй болоход түүний сэтгэл нь ихэд гутарсан боловч эхнэрээ өөртөө итгэлтэй, биеэ даасан эмэгтэй болоход нь туслах ёстой хэмээн Марк эрс шийджээ.
Сузан шинэ амьдралдаа өдөр ирэх тусам аажим аажмаар дасаж байв. Орон гэртээ байгаа айлын эзэгтэй хойно ойр зуурын ажлыг хөнгөхөн хийчихдэг боллоо. Тэр нэг үеэ бодвол хараагүй байна гэдэг тийм ч хэцүү зүйл биш болохыг ухаарч эхэлжээ. Цаг хугацаа өнгөрөх тусам тэд бие биенээ улам хайрлан, халамжилж, аливаа зүйлийг хамтарч хийдэг байв. Өдөр хоног ээлжлэн өнгөрсөөр Сузаны ажилдаа орох цаг нэгэнт болжээ. Эрүүл саруул байх үедээ ажил гэрийнхээ хооронд хол ч гэсэн автобусаар явж болоод л байдаг байсан. Харин одоо хараагүй болсон бүсгүйд ажил руугаа явна гэдэг хар дарсан зүүд мэт санагдана. Иймээс Марк өглөө бүр эхнэрээ ажил руу нь таксигаар хүргэж өгдөг боллоо. Сузан нөхөртэйгээ үргэлж хамт очиж, ирдэг болохоор сэтгэл нь тайван байдаг байв. Харин ингэж их анзаарч, асарч халамжлах нь ямар ч үр дүнгүй бөгөөд өөрөөс нь дэндүү их хараат болж байгаад Маркийн сэтгэл ихэд зовних болжээ.
Тиймээс орой Марк эхнэртээ өөрийн бодлоо хэлэхэд, Сузан ихэд цочирдон,
“Чи намайг мэдэж байна уу? Би чинь сохор хүн шүү дээ. Хаашаа явж байгаагаа яаж мэдэх юм бэ? Удахгүй чи намайг орхиод явахад, би гэдэг хүн хэрхэн амьдрана даа” хэмээн бухимдан уйлав.
Эхнэрийгээ ингэж хэлэхэд, Марк их өрөвдсөн боловч “Би чамайг ажилдаа өөрөө явж чаддаг болтол чинь автобусаар хамт явах болно” гэж хэллээ. Ингээд хоёр долоо хоногийн турш Марк цэргийн дүрэмт хувцсаа өмсөн, эхнэртэйгээ хамт ажилд нь очиж, ирж байхдаа хараанаас бусад мэдрэхүйгээ ашиглан, орчин тойрныхоо баримжааг яаж олох талаар мэддэг бүхнээ зааж сургав. Мөн ажилд нь хүргэж өгдөг автобусны жолоочтой танилцуулж, өглөө бүр нэг суудал хадгалж байхыг захижээ. Хэрвээ хүн өөрөө л хичээж зүтгэвэл, ямар ч бэрхшээлийг даван туулж чаддаг жамтай. Ингээд нэгэн өглөө Сузан эртлэн босож, ажилдаа ганцаараа явлаа. Анхны өдөр түүнд юм бүхэн хэцүү байсан ч өдрөөс өдөрт сайжирсаар, алхаа гишгээ нь хүртэл хөнгөн шингэн болж, бүхнийг хийж чаддаг болсон юм.
Нэг өглөө Сузан ажилдаа очихоор автобусанд суухад, жолооч түүнд хандан:
- “Бүсгүй та их азтай хүн юм” гэж хэлэв.
- “Хараагүй хүн яагаад азтай байдаг билээ?” хэмээн асуухад,
- “Өдөр бүр таныг автобусаар явахад цэргийн дүрэмт хувцастай нэг сайхан залуу байнга дагаж ирээд, гудамжаар ажилдаа хүрэх хүртэл чинь алсаас харж, ажил руугаа ормогц, гараараа үнсэлт илгээчихээд л яваад өгдөг юм даа” гэлээ.
Ингэж хэлэхэд, Сузаны нүднээс баярын нулимс мэлмэрч эхэллээ. Тэрээр нөхрийгөө ямар их ухаалаг, тэвчээртэй, өөрт нь дэндүү их хайртай, халамжтай, үнэнч хань болохыг энэ үед ухаарчээ. Зовох цагт нөхрийн чанар танигдана гэдэг энэ буюу. Бүсгүй их азтай хүн юм. Бурхан түүнд харах нүднээс илүү сэтгэлийн нүд, ханийн тэнгэр заяаж дээ.